სასწავლო პროექტი

1. პროექტის სათაური:   „  გადავარჩინოთ დედამიწა !!! “
2.პროექტის მოკლე აღწერა:  მოსწავლეები შეისაწვლიან ადიგენის რაიონის მიმდებარე სოფლებში, ტყის გაჩეხვისგან წარმოქმნილ ეროზირებულ ტერიტორიებს, ჩატარდება გასატარებელი სამუშაოს დაგემვა. დაიგეგმება საინტერესო ღონისძიებები.

3. პროექტის სრული აღწერა: ჩვენს რაიონში გაპარტახებულია დედაბუნება, გაჩეხილია ტყეები, დაშრა წყაროები, გაჩნდა ეროზირებული ნიადაგი, მეწყერსაშიში ზონები .  არსებულ პრობლემასთან დაკავშირებით მოეწყობა გასვლები სოფლებში( გორგული, ყარათუბანი, ლელოვანი..) გამოიკითხება მოსახლეობა თუ სად არის პრობლემური ადგილები, სამეწყერო ნიადაგი. იქნება ფოტო გადაღება გაკაფულ ტყეში სადაც ერთ ხესაც ვეღარ ნახავს მნახველი, მოსწავლეები ჩაინიშნავენ აღნიშნულ ტერიტორიებს, ისეთს სადაც მათთვის მუშაობა არ იქნება საშიში, შეიკრიბება მოხალისეთა ჯგუფიც ,რომლებიც მოსწავლეებთან ერთად იმუშავებენ, შემდეგ მოხდება კალმების აჭრა წნორზე ორმაგი რაოდენობით და ნიადაგის საფეხურეობრივი დამუშავება უფროსებთან ერთად, შემდეგ კი მოხდება მათი საფეხურეობრივად დარგვა, შემდეგ მორწყვა შემდეგ მოიყრება გვიდრი რათა წამოვიდეს ახალი ბალახი უკვე გაუკაცრიელებელ ადგილზე, საბოლოოდ კი მოსწავლეები და მოხალისეები დიდი ტოტებით დაფარავენ და შემორაგავენ ტერიტორიას. მოხდება პლაკატების გაკეთება- დახატვა და გავრცელება ,სადაც მოუწოდებენ მოსახლეობას ,რომ გაუფრთხილდნენ თიოთოულ ხეს და ნერგს, დასკვნით ნაწილში კი მოეწყობა ღონისძიება ფოტო-გამოფენით და წაიკითხება ვაჟა ფშაველას  „ხმელი წიფელი“  და სხვა ლექსები რომლებიც ბუნებას ეძღვნება,მოეწყობა ნახატების გამოფენა, რომლებიც გაჩეხილ ბუნებას ასახავს.

4.  მონაწილეთა ასაკი : მეცხრე კლასი 14-15 წ.  პედაგოგები  და  მოხალისეები სადაც ასაკი არ არის შეზღუდული.

5.  ვადა :  ერთი თვე თუმცა შემდეგაც მიაქცევენ მოსწავლეები ყურადღებას გახარებულ ნერგებს . რომლებსაც  მოვლა - პატრონობა სჭირდებათ.

6. შესაძლო აქტივობები კლასში:

შეიქმნება ჯგუფები:,სადაც გადანაწილდება პასუხისმგებლობა თითოეულ მოსწავლეზე, ყველას ექნება თავის შესასრულებელი სამუშაო, დაიგეგმება ღონისძიბები ,რომლების აღნიშნულ პრობლემას მიეძღვნება.

7. მოსალოდნელი შედეგი : -  მოსწავლეები ისწავლიან ურთიერთთანამშრომლობას, ერთად შრომას, ბუნების დაცვას და მოვლას . ნახავენ გაჩეხილ ტყეს და ნერგების დარგვის შემდეგ კი ისინი უფრო მეტად იზრუნებენ ბუნებაზე, მის ფასს გაიგებენ.

- შეიქმნება ბლოგი -  „ ბუნების შვილები „ სადაც განთავსდება მათ მიერ გაწეული სამუშაოს ამსახველი ყველა კადრი. ამ ბლოგიდან მოსწავლეები მოუწოდებენ ყველას გაუფრთხილდნენ თითოეულ ნერგსა და ხეს. გახარებენ ნერგები და გადარჩება დანუშავებული ნიადაგი.

8.  სასარგებლო სხვებისთვის:

- ყველა ბავშვში ეს ფაქტი დიდ დაინტერესებას გამოიწვევს, ყველას   გაუჩნდება სურვილი მიიღოს მონაწილეობა ამ ღონისძიებაში.

- მომავალ თაობას ოდნავ მაინც  გაუჩნდებათ მოფრთხილების გრძნობა, რომ მოუფრთხილდნენ ბუნებას. 

9.  სამუშაო ენა : ქართული.

10.  საგანთა/ საგნობრივ ჯგუფებთან, ეროვნულ სასწავლო გეგმასთან კავშირი: ბიოლოგია - ნერგის გახარება და შემდეგი მოვლა, ეროზირებული ნიადაგის დამუშავება და განაშენიანება; ქართული ენა და ლიტერატურა -მხატვრული კითხვა;  ისტ - ბლოგის შექმნა, მასში მასალის განთავსება; ხელოვნება - ბუნების  სილამაზის აღქმის უნარი, საკუთარი გრძნობების გადმოცემა ნახატით.

11.  პროექტის ფასილიტატორი: ნ. სტეფანოვა

12.  ფასილიტატორის ელ. ფოსტა :

               stefanovanina2@gmail.com